फोहोरमैलाको प्रशोधन र विसर्जन सम्बन्धी ज्ञान आफूले राख्ने र अरुलाई पनि सिकाउने । प्रकृति र वातावरणप्रेमी भएर समुदायलाई यसतर्फ उत्प्रेरित गर्ने हो भने फोहोरमैला समस्याको दिगो समाधान गर्न सकिन्छ । यसका लागि पहिले कुन फोहोर कस्तो हो ? भन्ने कुरा थाहा पाउन जरुरी छ ।

नयाँ घर बनाउँदै हुनुहुन्छ र शौचालयलाई सीधै ढल प्रणालीमा जडान गर्ने सुविधा छैन भने के गर्नुहुन्छ ? तपाईले जसरी पनि सेप्टिक ट्याङ्की बनाउनै पर्छ । सेप्टिक ट्याङ्की फोहोर पानी भण्डारण एवं प्रशोधन गर्ने एक प्रकारको प्रविधि हो ।

पूर्ण सरसफाइ मार्गदर्शनले व्यक्ति, परिवार, समाज, विद्यालय, खानेपानी तथा सरसफाइ उपभोक्ता समिति, स्वास्थ्य स्वयं सेविका, विद्यार्थी, पूजारी, धर्मगुरु लगायतको भूमिका किटान गरिएको छ ।