चुनावका दिन यी सवारी साधनले पास लिनुपर्ने, खानेपानी लगायत गाडीको लागि पास नचाहिने

काठमाडौ : यही वैशाख ३० गते शुक्रबार हुने स्थानीय तह निर्वाचनको दिन सवारी साधन चलाउन नपाइने भएको छ । काम विशेषले सवारी साधन चलाउनुपर्ने भएमा अनिवार्य जिल्ला निर्वाचन अधिकृतको कार्यालयबाट पास लिनुपर्नेछ। खानेपानीको ट्याङ्कर, एम्बुलेन्स, दमकल, दूरसञ्चार शेवा, शव बाहन, अस्पताल सेवा तथा विद्युत सेवा जस्ता अत्याश्यक सेवा र नम्बर प्लेटमा सिडी उल्लेख भएको कुटनीतिक नियोगको सवारी साधनले भने अनुमति लिनुनपर्ने निर्वाचन आयोगले जनाएको छ ।

स्थानीय तह सदस्य निर्वाचन, २०७९ को मतदानको दिन सवारी आवगमन व्यवस्थापन सम्बन्धी मापदण्ड २०७९ मा मतदानका दिन दैनिक उपभोगका वस्तु बोक्ने तथा अत्यावश्यक सवारी साधनको लागि अनुमति लिनु नपर्ने उल्लेख छ । आयोगले शारीरिक अपाङ्गता भएका व्यक्तिहरुलाई पनि मतदान केन्द्रसम्म पुग्न सवारीको प्रयोग गर्न पाउने गरी मापदण्ड तय गरेको आयोगका प्रवक्ता शालिग्राम शर्मा पौडेलले जानकारी दिनुभयो ।

शारीरिक अपाङ्गता भएका व्यक्तिहरुको लागि सम्बन्धित स्थानका मुख्य निर्वाचन अधिकृतले सवारी पास दिनुपर्नेछ। अनुमति पाएको सवारी पासमा त्यस्ता व्यक्तिबाहेक एकाघरको अर्का एक जना साथीले मतदान केन्द्रसम्म जान आउन पाउने व्यवस्था छ।

यस्तै अन्तर्राष्ट्रिय हवाई उडानको माध्यमबाट यात्रा गर्ने यात्रुले पासपोर्ट, भिसा र हवाई टिकटको माध्यमबाट विमानस्थलसम्म र विमानस्थलदेखि बासस्थानसम्म आवागमन गर्न दिने भएको छ। यस्तै, अन्य सवारी साधनहरुलाई पनि सम्बन्धित जिल्लाका प्रमुख जिल्ला अधिकारीले अनुमति दिने गरी अधिकार दिईएको छ। पत्रकारको हकमा काठमाडौं उपत्यकामा सूचना विभागको कार्डका आधारमा प्रमुख जिल्ला अधिकारीले अनुमतिपत्र जारी गर्नेछ।

आयोगले भारत र चीनसँग जोडिएका सीमा नाका ३ दिन बन्द गर्न यही वैशाख २७ गते राती १२ बजेदेखि अन्तर्राष्ट्रिय सीमाबाट हुने आवतजावत बन्द गर्न र मतदान हुने दिन आन्तरिक रुपमा सञ्चालन हुने सबै प्रकारका यातायात बन्द गर्न सरकारलाई पत्र पठाएको छ।

कसरी लिने पास ? हेर्नुहोस्

स्थानीय-तह-सदस्य-निर्वाचन-२०७९-को-मतदानको-दिनको-सवारी-आवागमन-व्यवस्थापन-मापदण्ड-२०७९-1

तपाईको प्रतिक्रिया

सम्बन्धित समाचार