नयाँ आ.ब.मा संघ र प्रदेशबाट सञ्चालन हुने खानेपानी आयोजनाहरु, हेर्नुहोस् रातो किताब

काठमाडौ : चालु आर्थिक बर्ष सकिन अब केही दिन मात्र बाँकी छ । साउन १ गतेदेखि आर्थिक बर्ष २०८०/०८१ सुरुवात हुनेछ । नयाँ आर्थिक बर्षको सुरुवात सँगै नयाँ बजेट कार्यान्वयन हुनेछ । सरकारले आर्थिक बर्ष २०८०/०८१ मा खानेपानी र सरसफाइलाई २८ अर्ब १६ करोड बजेट विनियोजन गरेको छ ।

विनियोजित बजेट खानेपानी मन्त्रालय, खानेपानी विभाग, मन्त्रालय अन्तर्गतका विभिन्न आयोजना तथा कार्यक्रमहरु र सातै वटा प्रदेशबाट कार्यान्वयन हुनेछ ।

संघ मार्फत सञ्चालन हुने कार्यक्रम तथा आयोजनाहरु

सरकारले खानेपानी मन्त्रालय अन्तर्गतका विभिन्न आयोजना तथा कार्यक्रमहरु मार्फत संघका खानेपानी तथा सरसफाइ आयोजनाहरु कार्यान्वयन गरिरहेको छ । आर्थिक बर्ष २०८०/०८१ मा निम्न कार्यक्रमहरु मार्फत निम्न संख्यामा खानेपानी तथा सरसफाइ आयोजनाहरु कार्यान्वयन गरिने खानेपानी मन्त्रालयको रातो कितावमा उल्लेख गरिएको छ ।

१. खानेपानी तथा गुणस्तर सुधार कार्यक्रम अन्तर्गत विभिन्न जिल्लामा गरी १२१ वटा खानेपानी तथा सरसफाइ आयोजनाहरु ।

२. जलवायु अनुकुलित वृहत खानेपानी आयोजना १३४ वटा खानेपानी आयोजनाहरु

३. खानेपानी तथा सरसफाइ सहलगानी कार्यक्रम ६६ वटा खानेपानी आयोजनाहरु

४. केन्द्रीय खानेपानी आयोजना १५१ वटा खानेपानी आयोजनाहरु

५. ढल निर्माण तथा प्रशोधन कार्यक्रम १११ वटा वटा

६. शहरी खानेपानी तथा सरसफाइ क्षेत्रगत आयोजना अन्तर्गत २६ वटा खानेपानी आयोजना

७. खानेपानी सेवा विस्तार तथा पुनर्स्थापना कार्यक्रम ८०५ वटा खानेपानी आयोजना

कोशी प्रदेशमा सञ्चालन हुने आयोजनाहरु

सरकारले संघीय सशर्त अन्तर्गत सात वटै प्रदेशबाट सञ्चालन हुने खानेपानी तथा सरसफाइ आयोजनाहरु पनि रातो किताबमा समावेश गरेको छ । जस अन्तर्गत कोशी प्रदेशमा सञ्चालन हुने आयोजनाहरुहरु निम्न छन् ।

१ खानेपानी सेवा विस्तार तथा पुनर्स्थापना कार्यक्रम ११२ वटा

२. तराई मधेस खानेपानी सुधार कार्यक्रम ८२ वटा

३. जलवायु अनुकुलित वृहत खानेपानी आयोजना २५८ वटा

४. खानेपानी तथा गुणस्तर सुधार कार्यक्रम ५ वटा

५. डिप ट्युबेल आयोजना (मर्मत सुधार) ३ वटा