164 पटक हेरिएको 
म्याग्दी : म्याग्दीको अन्नपूर्ण गाउँपालिका–४ नारच्याङ बेँसीमा रु एक करोड भन्दा बढीको लागतमा खानेपानी आयोजना निर्माण सुरु भएको छ। गोर्खा वेलफेयर ट्रष्टको आर्थिक तथा प्राविधिक सहयोग र उपभोक्ताको श्रमदानमा रु एक करोड आठ लाख ३१ हजार सात सय ५६ को लागतमा खानेपानी आयोजना निर्माण सुरु भएको हो ।
आयोजनाबाट नारच्याङ बेँसीगाउँका एक सय ९० परिवार लाभान्वित हुने अन्नपूर्ण गाउँपालिका–४ नारच्याङका वडाध्यक्ष लोकबहादुर फगामीले बताउनुभयो ।
विद्यालय, स्वास्थ्यचौकी, युवा क्लब, आमा समूह, मन्दिर र छात्रावासमा पनि धारा जडान गरिने जनाइएको छ । गोर्खा वेलफेयर ट्रष्टको रु ८७ लाख ६५ हजार छ सय ७२ अनुदान रहने आयोजना निर्माणमा उपभोक्ताले रु २० लाख ६६ हजार ८३ बराबरको श्रमदान गर्नुपर्नेछ ।
आगामी चैत महिनाभित्र आयोजना निर्माण सम्पन्न गर्ने लक्ष्य सहित मुहान, ट्याङ्की, धारा र पाइप लाइनको काम तीव्र गतिमा भइरहेको छ ।
