526 पटक हेरिएको 
बाँके : खानेपानी र सरसफाइ दिगो विकास लक्ष्य (वास एस डि जी) परियोजनाले बाँकेको कोहलपुर नगरपालिका र बैजनाथ गाउँपालिकाबाट पनि बिदाई लिएको छ । लुम्बिनी प्रदेश सभा सदस्य सन्जु कुमारी थारुको प्रमुख आतिथ्यमा समापन समारोह आयोजना गरी कोहलपुर नगरपालिका र बैजनाथ गाउँपालिकाबाट परियोजना औपचारिक रुपमा बाहिरिएको हो ।
समापन कार्यक्रममा वास एसडिजी परियोजनाका कन्ट्री को-अर्डिनेटर डा.मिङ्मा ग्याल्जेन शेर्पाले परियोजनाको रणनीतिक उद्देश्य र लक्ष्य, परियोजनाको उद्देशय हासिल गर्नका लागि अपनाईएका पद्धति सञ्चालित क्रियाकलाप र उपलब्धीहरुका बारेमा प्रस्तुतीकरण गर्नुभयो ।
परियोजनाका रणनीतिक उद्देश्य
√ सुधारिएको खानेपानी तथा सरसफाइ सुविधाहरू र अभ्यासहरूको माग बढाउन व्यवहार परिवर्तनमा सुधार ल्याउने कार्यहरू गर्ने
√ खानेपानी तथा सरसफाइको दिगो र समतामूलक प्रयोगको लागि खानेपानी तथा सरसफाइ सेवा प्रावधानमा सुधार गरी खानेपानी तथा सरसफाइ उत्पादन र सेवाहरूको उपलब्धता र किफायतीमा वृद्धि गर्ने
√ स्थानीय सरकारहरूलाई समावेशी र दिगो खानेपानी तथा सरसफाइ सुविधाहरूको कुशल र प्रभावकारी वितरण गर्न सक्षम बनाउँदै खानेपानी तथा सरसफाइजन्य प्रशासन र संस्थागत ढाँचाहरूलाई सुदृढ गर्दै दिगो र समतामूलक खानेपानी तथा सरसफाइमा योगदान पु¥याउने वास दिगो विकास लक्ष्य परियोजनाको उद्देश्य निर्धारण गरिएको थियो ।
उहाँले उल्लेखित उद्देश्यहरु हासिल गर्न परियोजना सफल भएको र परियोजनाले निर्माण गरेको जगमा टेकेर खानेपानी, सरसफाइ र स्वच्छताको दिगो विकास लक्ष्य हासिल गर्न बाँकी काम स्थानीयले सरकारले गर्नुपर्ने बताउनुभयो ।
उद्देश्य प्राप्तिका लागि अपनाईएको पद्धति
क) सुधारिएको खानेपानी तथा सरसफाइ सुविधाहरू र अभ्यासहरूको माग बढाउन व्यवहार परिवर्तनमा सुधार
♦ समुदायसँग सहकार्य
♦ खानेपानी तथा सरसफाइ उपभोक्त्ता समितिहरूसँग सहकार्य
ख) खानेपानी तथा सरसफाइको दिगो र समतामूलक प्रयोगको लागि खानेपानी तथा सरसफाइ सेवा प्रावधानमा सुधार गरी खानेपानी तथा सरसफाइ उत्पादन र सेवाहरूको उपलब्धता र किफायतीमा वृद्धि गर्ने
♦ पानीको गुणस्तर परिक्षण प्रयोगशाला
♦ बजार परिक्षण गरी खानेपानी तथा सरसफाइजन्य व्यवसायको समग्र बजार पारिस्थितिकी प्रणालीको अध्ययन
♦ आवश्यक्ता अनुरूप व्यवसायी तालिम, विभिन्न सत्रहरू सञ्चालन
ग) स्थानीय सरकारहरूलाई समावेशी र दिगो खानेपानी तथा सरसफाइ सुविधाहरूको कुशल र प्रभावकारी वितरण गर्न सक्षम बनाउँदै खानेपानी तथा सरसफाइजन्य प्रशासन र संस्थागत ढाँचाहरूलाई सुदृढ गर्दै दिगो र समतामूलक खानेपानी तथा सरसफाइमा योगदान पुर्याउने
♦ खानेपानी तथा सरसफाइ निती ऐन कार्यविधी तथा योजना निर्माण
♦ खानेपानी तथा सरसफाइ शाखा स्थापना
♦ विद्यालय तथा स्वास्थ्य चौकीहरूमा खानेपानी तथा सरसफाइका हस्तक्षेपहरू
घ) महिनावारी स्वास्थ्य ब्यवस्थापान
♦ लैङ्गिक समानता र सामाजिक समावेशी अवधारणा
♦ खानेपानी तथा सरसफाइ सम्बन्धी पैरवी
यी हुन् खास उपलब्धी
परियोजनाले खानेपानी, सरसफाइ र स्वच्छता क्षेत्रमा सञ्चालित विभिन्न कार्यक्रमहरु मार्फत हासिल भएको उपलब्धीको अन्तिम सर्वेक्षण गरेको छ । परियोजनाले सुरूमा सन् २०१७ मा आधाररेखा सर्वेक्षण गरी परियोजनाको सुरूवात् गरेको थियो । सन् २०२० मा मध्यरेखा सर्वेक्षण गरेको परियोजनाले खानेपानी, सरसफाइ र स्वच्छता क्षेत्रको उपलब्धीलाई अलग अलग रुपमा प्रस्तुत गरेको छ ।
सर्वेक्षणमा विश्व स्वास्थ्य संगठन र युनिसेफले दिगो विकास लक्ष्यको उपलब्धी मापन गर्न संयुक्त्त रूपमा प्रतिपादित गरेको जे एम् पी सूचाङ्क र सिँढीको प्रयोग गरिएको परियोजनाले जनाएको छ ।
परियोजना समापन कार्यक्रममा कोअर्डिनेटर शेर्पाले समुदाय, विद्यालय र स्वास्थ्य संस्थाको खानेपानी, सरसफाइ र स्वच्छताको आधाररेखा, मध्यावधि र अन्तिम अवधिको सर्वेक्षण नतिजा समेत प्रस्तुत गर्नुभयो ।
खानेपानी
सरसफाइ
स्वच्छता
परियोजना समापन कार्यक्रममा कोहलपुर नगरपालिकाका प्रमुख प्रशासकीय अधिकृत धोलकराज ढकालले परियोजनाले खानेपानी, सरसफाइ र स्वच्छता क्षेत्रमा गरेका क्रियाकलापहरुको निरन्तरता र दिगोपनका लागि नगरपालिकाले निरन्तर कार्यक्रम सञ्चालन गर्ने बताउनुभयो ।
उहाँले खानेपानी, सरसफाइ र स्वच्छता क्षेत्रको कानुनहरु निर्माणका लागि परियोजनाको तर्फबाट सहयोग प्राप्त भएको र यसको कार्यान्वयनका लागि नगरपालिका कटिबद्ध रहेको बताउनुभयो ।
कोहलपुर नगरपालिकामा बनेका ऐन कानुनहरु
√ कोहलपुर दिसाजन्य लेदो व्यवस्थापन निती २०७८
√ कोहलपुर स्वास्थ्य ऐन २०७८
√ कोहलपुर ठोस फोहोर व्यवस्थापन ऐन २०७८
√ कोहलपुर खानेपानी तथा सरसफाइ व्यवस्थापन क्षमता अभिवृद्धि रणनिती
√ कोहलपुर खानेपानी तथा सरसफाइ निती २०७८
√ कोहलपुर खानेपानी तथा सरसफाइ ऐन २०७७
√ कोहलपुर खानेपानी कार्यविधी २०७७
√ कोहलपुर खानेपानी तथा सरसफाइ योजना २०७८
खानेपानी तथा सरसफाइ दिगो विकास लक्ष्य (वास एसडिजी) परियोजना नेदरल्याण्ड सरकारको सहयोगमा सन् २०१८ जुन देखि बाँकैको कोहलपुर नगरपालिका र बैजनाथ गाउँपालिका र सुर्खेतको बराहताल गाउँपालिका र भेरीगंगा नगरपालिकामा सञ्चालन भएको थियो ।
बाँकेमा लुमन्ती, विरूवा, एकिकृत शहरी विकास केन्द्र, गेरुवा ग्रामिण जागरण संघ र सहकर्मी समाज तथा सुर्खेतमा वातावरण तथा जनस्वास्थ्य संस्था (एन्फो) र सहकर्मी समाजले परियोजना कार्यान्वयन गरेका थिए ।
लुम्बिनी प्रदेश सांसद सन्जु कुमारी थारुको प्रमुख आतिथ्यमा आयोजना गरिएको परियोजना समापन कार्यक्रममा कोहलपुर नगरपालिका र बैजनाथ गाउँपालिकाका उपप्रमुख, खानेपानी तथा सरसफाइ उपभोक्ता महासंघका पदाधिकारीहरु, विद्यालयका प्रधानाध्यापक तथा शिक्षकहरु, स्वास्थ्य संस्थाका प्रमुख तथा प्रतिनिधी, परियोजना कार्यान्वयन संस्थाका पदाधिकारीहरुको उपस्थिति थियो ।
परियोजनाले पाँच बर्षको दौरानमा खानेपानी, सरसफाइ र स्वच्छता क्षेत्रमा गरेका कामहरु, अपनाईएका रणनीति तथा कार्यनीति, कार्यान्वयन पद्धति तथा लाभान्वित समुदाय, चुनौती, सिकाई तथा अवसरहरु समेटेर प्रतिवेदन तयार पारी सम्बन्धित स्थानीय तहलाई हस्तान्तरण गरेको छ ।
नगरपालिका तथा गाउँपालिकाको तर्फबाट परियोजना कार्यान्वयन गर्ने संस्थाहरुको लागि र परियोजनाको तर्फबाट गाउँपालिका तथा नगरपालिकाको लागि मायाको चिनो समेत प्रदान गरिएको थियो ।
परियोजनाका थप फोटाहरु :
