308 पटक हेरिएको 
काठमाडौ : खानेपानी तथा सरसफाइ उपभोक्ता महासंघ नेपाल (फेडवासन) ले हरेक बर्ष प्रदान गर्दै आएको ‘फेडवासन वास पत्रकारिता पुरस्कार’ का लागि आवेदन माग गरेको छ ।
फेडवासनले खानेपानी, सरसफाइ तथा स्वच्छता क्षेत्रमा क्रियाशील पत्रकारहरुबाट २०८० साल श्रावण १ गतेदेखि २०८१ आषाढ मसान्तसम्म प्रकाशित तथा प्रसारित खोजमूलक स्टोरी, लेख, रचना तथा श्रव्य दृश्य सामग्रीको प्रतिलिपी तथा प्रकाशन र प्रसारण भएको प्रमाणपत्रको प्रतिलिपि सहित आवेदन माग गरेको हो ।
फेडवासनले आफ्नो स्थापना दिवसको अवसरमा हरेक बर्ष छापा, टेलिभिजन, रेडियो र अनलाइनमा विधाबाट उत्कृष्ट एक/एक जना गरी ४ जना पत्रकारलाई नगद तथा प्रमाणपत्र सहित पुरस्कृत गर्दै आएको छ ।
आफू कार्यरत सञ्चार माध्यममा प्रकाशितरप्रसारित सामग्रीको प्रतिलिपि, प्रकाशन तथा प्रसारण भएको प्रमात्रपत्र र आवेदन यही भदौ ५ गते भित्र महासंघको केन्द्रिय कार्यालय वा info@fedwasun.org वा fedwasun@gmail.com मा इमेल गर्न महासंघले अनुरोध गरेको छ ।
खानेपानी तथा सरसफाइ उपभोक्ता महासंघ नेपाल (फेडवासन) ले यही भदौ १० गते २२ औं स्थापना दिवस मनाउँदै ।
