सरसफाइमा तराईका जिल्ला : सिरहाले दौड पूरा ग-यो, बारा सबैभन्दा पछाडि

काठमाडौ : सरसफाइमा अध्यारा जिल्लाको रुपमा चिनिएका पूर्वी तथा मध्य तराईका ११ जिल्ला मध्ये सिरहाले सरसफाइको दौड पूरा गरेको छ । राष्ट्रिय सरसफाइ तथा स्वच्छता समितिको सचिवालयले हिजो (मंगलबार) अद्यावधिक गरेको तथ्याङ्क अनुसार सिरहाको सबै घरमा सरसफाइ सुविधा पुगेको जनाएको छ ।

यद्यपि यो आंकडा पुस मसान्त सम्मको भएको सचिवालयले जनाएको छ । सरसफाइमा पहिले देखि नै पुछारमा रहेको बारा जिल्ला अहिले पनि सबैभन्दा पछाडि नै छ । बाराको ६६ प्रतिशत घरमा मात्र चर्पी बनेको सचिवालयले जनाएको छ ।

तराईका कुन जिल्लामा कति प्रतिशत कभरेज ?

पूर्वी तराईको झापादेखि मध्य तराईको पर्सासम्मका ११ जिल्लाको सरसफाइको अवस्था यस्तो छ ।

क्र.सं.	जिल्ला	सरसफाइ कभरेज
१.	झापा	८६%
२.	मोरङ	८७%
३.	सुनसरी	९८.८२%
४.	सप्तरी	९१.३६%
५.	सिरहा	१००%
६.	धनुषा	८६%
७.	महोत्तरी	८२%
८.	सर्लाही	८२%
९.	रौतहट	८७%

१०.	बारा	६६%
११.	पर्सा	८३%

नयाँ संरचना अनुसार ७७ जिल्ला मध्ये ४७ जिल्ला खुला दिसामुक्त घोषणा भइसकेका छन् । खानेपानी तथा ढल निकास विभाग, वातावरणीय सरसफाइ शाखाका अनुसार अहिलेसम्म ९५.५ प्रतिशत जनसंख्यामा सरसफाइ सुविधा पुगेको छ ।