323 पटक हेरिएको 
हुम्ला : हुम्लाको मानसरोवर बहुमुखी क्याम्पस परिसरमा सरसफाइ गरिएको छ । क्याम्पस प्रमुख दिपक भण्डारीको नेतृत्वमा क्याम्पस परिसरको सरसफाइ गरिएको हो।
यसअघि क्याम्पस परिसरमा योजना नै बनाएर कहिल्यै सरसफाइ गरिएको थिएन । क्याम्पस हाताभित्रको जल्ने र नजल्ने फोहोरका साथै हाता भित्र उम्रिएको झारपात पनि उखेलेर सफा गरिएको क्याम्पस भण्डारीले बताउनुभयो।
सङ्कलित फोहोर मध्य जलाउन मिल्नेलाई जलाईएको र कुहिने फोहोरलाई खाल्डो खनेर पुरिएको उहाँले जानकारी दिनुभयो।
सरसफाइ कार्य सम्पन्न भएपछि क्याम्पस क्षेत्र सफा देखिएको छ । यसका लागि नेपाल प्रहरीका निरीक्षक नरेन्द्र चन्दको नेतृत्वमा बाह्र जना प्रहरीको खटिएका थिए भने निरीक्षक चन्दले आफै पनि सफाइमा खटिनु भएको थियो। सरसफाइ कार्यमा क्याम्पस व्यवस्थापन समितिका सदस्य, स्वबियु सभापति, सचिव, कर्मचारी र बिद्यार्थीहरुको पनि सहभागिता थियो । अव क्याम्पसलाई महिनाको एक पटक सरसफाइ गरिने भएको छ ।
