602 पटक हेरिएको 
काठमाडौ : अबको एक महिना पछि नयाँ आर्थिक बर्षको नीति तथा कार्यक्रम र बजेट कार्यान्वयन हुनेछ। सरकारले जेठ १५ गते संसदको दुवै सदनमा खानेपानी तथा सरसफाइ क्षेत्रको लागि प्रस्तुत गरेको २६ अर्ब ६३ करोड रुपैयाँ बजेटबाट ३ हजार ४ सय ५४ वटा खानेपानी तथा सरसफाइ आयोजना कार्यान्वयन गर्ने भएको छ ।
सरकारले संघ मार्फत विभिन्न कार्यक्रम तथा आयोजना अन्तर्गत १ हजार ९ सय ७० वटा खानेपानी आयोजनाहरु सञ्चालन गर्ने खानेपानी मन्त्रालयको रातो किताबमा उल्लेख छ ।
यस्तै संघीय सशर्त अनुदान अन्तर्गत सात वटै प्रदेशबाट १ हजार ४ सय ८४ वटा खानेपानी तथा सरसफाइ आयोजना सञ्चालन हुनेछन् ।
कुन कुन आयोजना अन्तर्गत कति खानेपानी आयोजना ?
√ ढल निर्माण तथा प्रशोधन कार्यक्रम १११ वटा
√ खानेपानी तथा गुणस्तर सुधार कार्यक्रम १४३ वटा
√ जलवायु अनुकुलित वृहत खानेपानी आयोजना २८७ वटा
√ खानेपानी तथा सरसफाइ सहलगानी कार्यक्रम १०० वटा
√ केन्द्रीय खानेपानी आयोजना ३१५ वटा
√ शहरी खानेपानी तथा सरसफाइ क्षेत्रगत आयोजना २१ वटा
√ खानेपानी सेवा विस्तार तथा पुनर्स्थापना कार्यक्रम ९७६ वटा
√ खानेपानी क्षेत्रगत सुशासन तथा पूर्वाधार सहयोग आयोजना १७ वटा
संघीय सशर्त अन्तर्गत प्रदेशबाट सञ्चालन हुने आयोजनाहरु
√ कोशी प्रदेश २०४ वटा
√ मधेश प्रदेश ३१४ वटा
√ वागमती प्रदेश २६१
√ गण्डकी प्रदेश १८६ वटा
√ लुम्बिनी प्रदेश ३१४ वटा
√ कर्णाली प्रदेश ९ वटा
√ सुदुरपश्चिम प्रदेश १०७ वटा
विस्तृतमा हेर्नुहोस् रातो किताब :
