1088 पटक हेरिएको धादिङ : धादिङको बसेरी गाविसको खानेपानीमा दिसामा पाइने जीवाणु (कोलिफर्म) भेटिएको छ । बसेरीका २१ वटा मुहानको पानी जाँच गर्दा ११ वटा मुहानको पानीमा कोलिफर्म भेटिएको हो । बसेरी स्वास्थ्य चौकीको अगुवाइमा युएमएनको सहयोगबाट कोसोक नेपालले खानेपानी परीक्षण गरेको हो ।
पानीको नमुना लिएर जाँच गर्दा कोलिफर्म भेटिएको र यसले मानिसमा पानीजन्य रोगहरु लाग्ने र महामारी फैलिने कोसोकका कार्यक्रम संयोजक शान्ति तामाङले बताउनुभयो । ‘मुहानको सुरक्षा नहुँदा गाइवस्तु तथा खुल्ला दिसापिसाबका कारण स्रोत फोहोर भएको हुनसक्छ, गाउँभरिको पानीमा कोलिफर्म भेटिएकाले मुहान सफाइ तथा पानीलाई शुद्धीकरण गरेर मात्र पिउन सुझाव दिएको छु’ तामाङले भन्नुभयो ।
मुहान संरक्षणमा कमी भएकाले पानीमा कोलिफर्म भेटिएको र यसका लागि मुहान संरक्षण गरी सरसफाइमा ध्यान दिनुपर्ने कोसोकका कार्यक्रम संयोजक तामाङले बताउनुभयो ।
