783 पटक हेरिएको रुपेन्देही १३ फागुन । पाल्पाको दोभान गाविस-२ र कोलडाँडा गाविस-९ बाट बुटवलमा ल्याउन थालिएको झुम्सा खानेपानी आयोजना अझ विस्तारित हुने भएको छ । स्थानीयवासीका माग सम्बोधन गरेर उक्त आयोजना विगतभन्दा ठूलो क्षमताका रुपमा बुटवलमा ल्याउने तयारी सुरु भएको छ ।
बहुचर्चित झुम्सा आयोजनाको अधिकांश काम पूरा भए पनि विभिन्न कारणले रोकिएको अवस्थामा सो आयोजनाको क्षमता ठूलो बनाएर बुटवलवासीको पानीको माग पूर्ति गर्ने उद्देश्यसहित बुटवल खानेपानी संस्थानले काम गरेको छ ।
पहिलाभन्दा दोब्बर पानी ल्याएर बुटवलमा खानेपानीको समस्या दीर्घकालीन रुपमा समाधान गर्ने संस्थानको जिकिर छ ।पहिलो डिजाइन अनुसार कम्तीमा दैनिक ८० लाख लि पानी ल्याउने योजना अब परिवर्तन गरेर दैनिक करिब ३ करोड लि पानी ल्याउने योजना खानेपानी संस्थानको छ ।
बुटवल खानेपानी संस्थानका प्रमुख मोहनदत्त भट्टले पुरानोभन्दा थप पानी ल्याउनका लागि बजेट छुट्टाइएको बताए । रासस
