858 पटक हेरिएको काठमाडौ ३ असार । विहान सात बजे नै अभिनेत्री मनिषा कोइराला सरसफाइ स्थल (थापाथली ललितपुरपट्टिको भाग) मा पुग्नुभएको थियो । त्यहाँ वाग्मती सरसफाइ महाअभियानले सरसफाइ दूत घोषणा सभाको आयोजना गरिएको थियो ।
महाअभियानको साप्ताहिक बैठकले अस्ति मात्र सदभावना दूत बनाउने निर्णय गरेपछि उहाँलाई आज आधिकारिक रुपमा सभाकै आयोजना गरी सदभावना दूत घोषणा गरिएको थियो । ब्यानरमा लेखिएको थियो ‘वाग्मती सफाइ महाअभियान, २१४ औं श्रृंखला एवं सुप्रसिद्ध अभिनेत्री मनिषा कोइराला, वाग्मती सफाइ सदभावना दूत घोषणा कार्यक्रम’
अभिनेत्री मनिषा कोइराला उपस्थित हुने भएपछि अरु बेलाको शनिबारमा भन्दा आज सहभागीको संख्या पनि उल्लेख्य रहेको थियो ।
वाग्मती सफाइ महाअभियानका सदभावना दूत अभिनेत्री मनिषा कोइरालाले वाग्मती सफाइका लागि फोहोर फाल्ने बानीमा निरुत्साहित गर्न, फोहोर सफाइका लागि अरुलाई पनि उत्प्रेरित गर्न र नीति नियम बनाउन सरकारलाई घच्घच्याउन पनि आफ्नो भूमिका रहने प्रतिबद्धता जनाउनुभयो ।
हेरौं यो भिडियो :
