1077 पटक हेरिएको ललितपुर : ललितपुरको गोदावरी नगरपालिका वडा नं. ६ सिखर्पाका युवाले गाउँलाई प्लाष्टिक मुक्त बनाउने अभियान थालेका छन् ।
सिखर्पा सामुदायिक स्टार युवा क्लबको अगुवाइमा गाउँलाई प्लाष्टिक मुक्त बनाउने अभियानको सुरुवात गरेको हो । गाउँलाई सफा र स्वच्छ बनाउने उद्देश्यले गाउँलाई प्लाष्टिक मुक्त अभियान शुरु गरिएको क्लबका अध्यक्ष राजेश विकले जानकारी दिनुभयो ।
उहाँका अनुसार २ वर्षभित्रमा गाउँलाई प्लाष्टिक मुक्त बनाइनेछ । प्लाष्टिकमुक्त अभियान अन्तर्गत क्लबले फोहोर नगरौँ, घर आँगन सफा राखौँ लगायतका सन्देशमुलक सामग्रीहरु वितरण गरेको छ ।
