99 पटक हेरिएको 
विराटनगर : सुनसरीको इटहरी उपमहानगरपालिकाले धुलाम्मे सडक पखाल्न र बिरुवामा पानी हाल्नका लागि ‘रोड वासर कम स्प्रिङकलर’ ल्याएको छ । ६५ लाख रुपैयाँ लगानी गरेर विरुवामा पानी हाल्ने र सडक पखाल्ने प्रयोजनका लागि मेसिन ल्याएको उपमहानगरपालिकाले जनाएको छ ।
सडक सफा गर्नेसँगै बिरुवामा पानी हाल्न र हिउँदमा धुलोले ढाकिएको बिरुवा पखाल्नका लागि मेसिनको प्रयोग गरिने इटहरी उपमहानगरका प्रमुख हेमकर्ण पौडेलले बताउनुभयो। ‘सहरलाई सफा बनाउँदै हरियाली प्रवर्द्धन गर्न मेसिन ल्याएका हौं’ उहाँले भन्नुभयो।
