बेलायतको आईडियस संस्थाद्वारा नेपालको सरसफाइ अभियान सम्बन्धी दस्तावेजहरु प्रकाशित

नेपालको सरसफाइ अभियानका विभिन्न आयामहरुलाई समेटेका दुई दस्तावेज हालसालै प्रकाशन भएका छन् । संयुक्त अधिराज्यस्थित Institute of Development Studies (IDS) को  Sanitation Learning Hub (SLH) द्वारा आफ्नो नियमित प्रकाशन Frontiers of Sanitation को पछिल्लो अंक ९ जुन २०२१, अंक १८० मा नेपाल र भारतमा सञ्चालित समग्र सरसफाइ अभियानका उल्लेखनीय पक्षहरुलाई समेटेर Monitoring Sanitation Campaigns: Targets, Reporting and Realism शीर्षकको प्रतिवेदन प्रकाशित गरिएको छ ।

उक्त दस्तावेज तयार गर्नका लागि नेपालबाट सरसफाइ गुरुयोजना २०६८ का मस्यौदाकार मध्येका एक कमल अधिकारी र सरसफाइ र सञ्चार क्षेत्र बीचको सम्बन्ध स्थापना गर्न अग्रणी भूमिका निर्वाह गर्नु भएका भरत अधिकारी संलग्न हुनुभएको थियो । भारतबाट भने सन्तोष मेहरोत्रा रविजेता राव बेज्जांकी सहभागी हुनुहुन्थ्यो । त्यसै गरी सू कैविल तथा म्याथुज भान डेर भेल्डनको पनि यस दस्तावेजको तयारीमा सहभागिता रहेको थियो ।

अनेकौं चुनौतीका वावजुद नेपाल सन् २०१९ मा खुला दिसामुक्त (ODF) राष्ट्र घोषित भएको छ भने भारतमा पनि सरसफाइ प्रवर्धनका लागि उल्लेखनीय कार्यहरु भइरहेका छन् । एशिया र अफ्रिकाका धेरै देशका सरकारहरूले आफ्ना देशहरूलाई ODF अवस्था हासिल गर्ने महत्वाकांक्षी लक्ष्य तोकेका छन्।

यस सन्दर्भमा नेपाल र भारतमा सञ्चिलत सरसफाइ अभियानका वहुआयामिक पक्षहरुलाई उजागर गरेर खुला दिसामुक्त अभियान सञ्चालन भइरहेका देशहरुमा यी सिकाईहरुको अनुसरण गर्न सघाउ पुर्‍याउने उद्देश्यले यो प्रतिवेदन तयार पारिएको हो । सरसफाइ अभियान र यसले लिएको लक्ष्य, अनुगमन प्रणाली, रिपोर्टिङ र प्रमाणीकरण प्रक्रियाका बारेमा उल्लेख गरिएको यस प्रतिवेदनले अन्यत्र सञ्चालन हुने यस्तै किसिमका अभियानहरुलाई सुदृढ पार्न सहयोग पुग्ने विश्वास लिइएको छ । यस प्रकाशनको अनलाइन संस्करण तलको लिंकमा दिइएको छ।

https://sanitationlearninghub.org/resource/monitoring-sanitation-campaigns-targets-reporting-and-realism/

नेपालको सरसफाइ अभियान सम्बन्धी केस स्टडी

उल्लेखित प्रकाशनसँगै IDS को SLH ले Nepal Sanitation Movement Lessons Learnt on Targets and Monitoring शीर्षकको केस स्टडी पनि प्रकाशित गरेको छ । सरसफाइ गुरुयोजनाको कार्यान्वयन र यस अन्तर्गतका नीतिगत एवं संस्थागत प्रावधानहरुका माध्यमबाट नेपालको सरसफाइ अभियान कसरी सफलताको विन्दुसम्म पुग्यो भन्ने कुरालाई उजागर गरिएको यो केस स्टडी पनि नेपालको सरसफाइ अभियानलाई विगत दुई दशक देखिजीवन्त र गतिशील बनाउन निरन्तर रुपमा महत्वपूर्ण योगदान दिनु भएका कमल अधिकारी र भरत अधिकारीले नै तयार गर्नु भएको हो । यस प्रकाशनको अनलाइन संस्करण तलको लिंकमा दिइएको छ :

https://sanitationlearninghub.org/resource/nepal-sanitation-movement-lessons-learnt-on-targets-and-monitoring/

नेपालको सरसफाइ सम्वन्धी उपलव्धिहरु लाई अन्तर्राष्ट्रिय रङ्गमञ्चमा उजागर गर्न यी दस्तावेजहरुको योगदान महत्वपूर्ण हुने देखिन्छ ।

 

तपाईको प्रतिक्रिया

सम्बन्धित समाचार