3706 पटक हेरिएको 
जनकपुरधाम : जनकपुरधाम उपमहानगरपालिकाका वडा अध्यक्षहरुले नगर प्रमुखको घर अगाडि फोहोर लगेर थुपारेका छन्। नगरपालिकाले फोहोर व्यवस्थापनमा ध्यान नदिएको भन्दै जनकपुरधाम उप महानगरका केही वडा अध्यक्षहरुले नगरप्रमुख लालकिशोर शाहको घर अगाडि फोहोर थुपारेका हुन्। ट्याक्टरमा फोहोर संकलन गरेर वडा नम्बर ७ का अध्यक्ष जानकीराम साह आफैले ट्रैक्टर चलाएर नगरप्रमुखको घरसम्म फोहोर पुर्याएका थिए।
नगर प्रमुखको घर अगाडि फोहोर थुपार्ने कार्यमा वडा नम्बर १ का अध्यक्ष शत्रुधन साह, वडा नम्बर ३ का अध्यक्ष दीपेन्द्र साह, वडा नम्बर ४ का अध्यक्ष सुदर्शन सिंह र वडा नम्बर ७ का अध्यक्ष जानकीराम साह संलग्न हुनुहुन्थ्यो । फोहोर व्यवस्थापनका लागि नगर प्रमुख साहले चासो नदेखाएको, फोहोर व्यवस्थापनका लागि उपमहानगरले ट्याक्टरसम्म उपलब्ध नगराएकाले विरोध स्वरुप नगरप्रमुखको घर अगाडि नै फोहोर थुपार्नु परेको वडा नम्बर ३ का अध्यक्ष दीपेन्द्र साहले बताउनुभयो ।
