167 पटक हेरिएको 
हेटौंडा : उच्च अदालत पाटन हेटौंडा इजलासले हेटौडा-१० राप्ती खोला तटमा बनाइएको डम्पिङ साइटमा फोहोर नफाल्न हेटौंडा उपमहानगरको नाममा अल्पकालीन अन्तरिम आदेश जारी भएपछि हेटौंडा उपमहानगरपालिकाले फोहोरको व्यवस्थापनको कार्य स्थगन गरेको छ ।
योगेन्द्रप्रसाद उपाध्यायले हेटौंडा उपमहानगरपालिकालाई विपक्षी बनाएर दायर गरेको निषेधाज्ञा मुद्दामा न्यायाधीश डा। निर्मला पौडेल भट्टराईको एकल इजलासले २२ माघमा राप्ती तटमा फोहोर फाल्न रोक लगाउन अल्पकालीन अन्तरिम आदेश जारी गरेको हो ।
केही दिन अगाडि डम्पिङ साइटमा आगलागी भएर प्रदूषणले १० र ११ नम्बर वडाबासी प्रभावित बनेको भन्दै यो विषय अदालतसम्म पुगेको हो। ‘हेटौंडा-१० स्थित गोरक्षश्वर मन्दिर भन्दा दक्षिणतर्फ राप्ती खोलाको तटमा फोहोर नफाल्नू, फोहोर फाल्न नलगाउनू भनी अल्पकालीन अन्तरिम आदेश जारी गरिदिएको छझ, आदेशमा भनिएको छ । दुवै पक्षलाई २९ माघमा छलफलका लागि बोलाइएको छ ।
हेटौंडामा विगत लामो समयदेखि निजी संस्था ग्रिन एन्ड क्लिन सिटी सभिर्सेज मार्फत फोहोरको नियमित संकलन तथा हेटौंडा-१० राप्ती तटमा डम्पिङ साइट बनाएर फोहोरको व्यवस्थापन हुँदै आएको थियो । स्थानीयले डम्पिङ साइटमा पटक(पटक आगलागी गराएर नागरिकको स्वास्थ्य संवेदनशीलतामा ध्यान नदिएको गुनासो गर्दै आएका छन् ।
