378 पटक हेरिएको 
हेटौंडा : पर्साको वीरगन्ज महानगरपालिकाको विभिन्न क्षेत्रमा हालै हैजाका बिरामी भेटिएपछि हेटौंडा उपमहानगरपालिकाले विशेष सतर्कता अपनाउन आग्रह गरेको छ। वीरगन्ज महानगरपालिका क्षेत्रमा फैलिएको हैजाको जोखिम मकवानपुर र आसपासका क्षेत्रमा पनि पर्न सक्ने भन्दै उपमहानगरपालिकाले खानेपानी तथा सरसफाइमा विशेष ध्यान दिनुपर्ने जनाएको हो।
उपमहानगरपालिकाले जारी गरेको सूचनामा सरसफाइ र खानेपानीको प्रयोगमा बेवास्ता गरे हैजा तथा झाडापखाला फैलन सक्ने भन्दै निम्न कार्यहरूलाई नियमित गर्न आह्वान गरिएको छः
-
• खानेपानीको मुख्य स्रोत र आसपासको क्षेत्रमा सरसफाइ कायम गर्ने।
-
• खानेपानी भण्डारण, प्रशोधन तथा वितरणमा आवश्यक सावधानी अपनाउने।
-
• केवल उमालेको र सुरक्षित पानी मात्र खाने।
-
• स्वास्थ्य संस्था वा प्रयोगशालामा पिउने पानीको गुणस्तर परीक्षण गराउने।
-
• नुहाउने, सरसफाइ गर्ने, सरसफाइजन्य काममा ध्यान दिने।
-
• खाना पकाउँदा राम्रोसँग पकाउने र सफा राख्ने।
-
• काँचो फलफूललाई शुद्ध पानीले धुने।
-
• सुरक्षित पानी मात्र प्रयोग गर्ने।
उपमहानगरपालिकाले हैजा नियन्त्रणमा सामुदायिक सहकार्य अत्यावश्यक रहेको उल्लेख गर्दै सचेतना फैलाउन सबैलाई आग्रह गरेको छ।
