1109 पटक हेरिएको 
बर्दिया : राजापुर नगरपालिकाको वडा नम्वर १, सोनपूर र गेरुवा गाउँपालिकाको वडा नम्वर ३ मा पूर्ण सरसफाइ सम्बन्धि सडक नाटक मञ्चन गरिएको छ ।
नाटकमा सूर्योदय साँस्कृतिक प्रतिष्ठानको प्रस्तुतिमा वडा स्तरीय खानेपानी, सरसफाइ तथा स्वच्छता समन्वय समितिको आयोजनामा नाटक मन्चन गरिएको हो । “मेरो स्वस्थ्य, प्रतिष्ठा अनि मेरो हात” शीर्षकको नाटकमा शौचालय बनाएर मात्र पुग्दैन, यसलाई सरसफाइ युक्त राखी प्रयोग पनि गर्नुपर्छ र पूर्ण सरसफाइ सम्बन्धी सबै सूचक पूरा गरेको हुनुपर्छ भन्ने मूल सन्देश थियो ।
जि. एस्. एफ्. यु.एन् ह्याविट्याटको सहयोग तथा एकिकृत विकास समाज नेपालरमायुस वर्दियाको सहजीकरणमा प्रदर्शन गरिएको नाटकको सभापतित्व दुवै वडाका वडाध्यक्ष , राजापुर न.पा वडा नम्वर १ का खुशीराम चौधरी र गेरुवा गा.पा. वडा नम्वर ३ का पुनाराम चौधरीले गर्नु भएको थियो ।
जि. एस्. एफ्. यु.एन् ह्याविट्याटको सहयोग र एकिकृत विकास समाज नेपालरमायुस वर्दियाको सहजीकरणमा पालीका स्तरिय नै पूर्ण सरसफाइ अभियान सञ्चालन भइरहेको छ ।
नाटकका केही झलकहरु
