597 पटक हेरिएको नुवाकोट : सरकारले सरसफाइमा राखेको लक्ष्य पूरा गर्ने समयसीमा नजिकिदै जाँदा नुवाकोटमा सरसफाइ सम्बन्धी कार्यक्रमलाई तीब्र पारिएको छ । जिल्ला स्तरिय खानेपानी, सरसफाइ तथा स्वच्छता समन्वय समितिले गुणस्तर अनुगमन गर्नेदेखि गाउँपालिकालाई खुला दिसामुक्त घोषणा गर्ने लगायतका कार्यक्रम तय गरेको छ ।
दश गाउँपालिका र २ नगरपालिकालाई यसअघि असोज ११ गतेभित्रै खुला दिसामुक्त घोषणा गरिसक्ने गरी नुवाकोटका वास एजेन्सीहरुले योजना बनाएका थिए ।
डिवाससीसीले भोलि देखि दिनहुँजसो सरसफाइ सम्बन्धीका कार्यक्रम तय गरेको खानेपानी, सरसफाइ तथा स्वच्छता समन्वय समिति नुवाकोटका अध्यक्ष सन्तमान तामाङले जानकारी दिनुभयो ।
यी हुन् नुवाकोटका सरसफाइ सम्बन्धी कार्यक्रम
पुस ७ गते — सूर्यगढी र पञ्चकन्या गाउँपालिकाले RM WASH CC गठन र गुणस्तर अनुगमनका लागि कार्यतालिका बनाउने ।
पुस ९ गते — ककनी गाउँपालिकामा D WASH CC का प्रमुख/प्रतिनिधि र क्षेत्रीय अनुगमन तथा सुपरिवेक्षण कार्यालयका निर्देशक सुदर्शन भण्डारी समेतको उपस्थितिमा अभिमुखीकरण कार्यक्रम गर्ने । ककनी गाउँपालिकाकालाई नुवाकोटमा सरसफाइका दृष्टिकोणबाट पछाडि परेको मानिन्छ ।
पुस १० गते — तारकेश्वर गाउँपालिकाको बुधसिङलाई खुलादिसामुक्त घोषणा गर्ने
पुस ११ गते — मेघाङ गाउँपालिकामा D WASH CC को गुणस्तर अनुगमन हुने
पुस १२ गते — शिवपूरी गाउँपालिकालाई खुला दिसामुक्त घोषणा गर्ने
पुस २१ गते — तादी गाउँपालिकामा आन्तरिक अनुगमन गर्ने
यसका साथै विदुर नगरपालिकाका तीन वडाले गुणस्तर अनुगमनका लागि पत्र तयार गरिसकेको नगरपालिकाका प्रमुख सञ्जु पण्डितले जानकारी दिनुभयो ।
यस्तै वेलकोटगढी नगरपालिकाले पनि गुणस्तर अनुगमन टोली निर्माण गरी अनुगमन गर्न थालेको छ । गाउँपालिकाहरुले सकेसम्म गाउँपालिका नै खुला दिसामुक्त घोषणा गर्ने र साविकका कुनै गाविसमा तयारी नपुगेमा बाँकी गाविसलाई छाडी अरु गाविस (वडा) लाई घोषणा गर्ने तयारी समेत भएको छ ।
