844 पटक हेरिएको 
जनकपुर २ चैत्र । धनुषाको गोठकोयलपुरमा ट्याक्टर पल्टिदा सडक किनारमा दिसा गरिरहेका तीन जना बालिकाको ज्यान गएको छ ।
आज बिहान ११ बजेतिर गिद्धाबेलापट्टीबाट ईट्टा लिएर आउँदै गरेको ज १ त ३६२२ नम्बरको ट्याक्टर पल्टिंदा गोठकोयलपुर–९ का सोखीलाल साफीकी तीन वर्षकी छोरी सविता साफी, श्याम साफीकी पाँच वर्षकी छोरी संजिता साफी र ठेकुवा साफीकी पाँच वर्षकी छोरी प्रिया साफीको ज्यान गएको ईलाका प्रहरी कार्यालय यदुकोहाले जनाएको छ ।
‘स्टेरिङ फेल भएर ईटा बोकेको ट्याक्टर दुर्घटना भएको देखिन्छ, त्यत्तिबेला ती बालबालिका दिसा गरिरहेको अवस्थामा भएको पाईयो’ प्रहरी निरीक्षक पवन कान्तझा ले भन्नुभयो ।
तीनै जना बालिकाको शव पोष्टमार्टमका लागि जनकपुर अञ्चल अस्पतालमा लगिएको र घटनाका विषयमा थप अनुसन्धान भईरहेको प्रहरी निरीक्षक पवन कान्त झाले जानकारी दिनुभयो ।
