888 पटक हेरिएको काठमाडौं : गैरआवासीय नेपाली संघ (एनआरएनए) का अध्यक्ष भवन भट्ट नेतृत्वको एक टोलीले निर्माणाधीन शंखमूल पार्क परियोजनाको अवलोकन र सरसफाइ गरेकोे छ । शनिबार संघका पदाधिकारी र सचिवालय कर्मचारीको सहभागितामा सरसफाइ गरिएको हो ।
निर्माणको अन्तिम चरणमा पुगेको शंकमूलपार्क आगामी अक्टोबर ११ मा गैरआवासीय नेपाली दिवसको अवसरमा हस्तान्तरण गरिने एनआरएनए अध्यक्ष भवन भट्टले बताउनुुभयो । उहाँले परियोजना निर्माणको काम अन्तिम चरणमा पुगेको जनाउँदै शंखमूलपार्क एनआरएनएको महत्वपूर्ण परियोजना भएको बताउनुुभयो ।
परियोजना अन्तर्गत निर्माण गरिने बगैंचा लगायत निर्माणका सबै काम उत्कृष्ट रहेको उहाँको प्रतिक्रिया थियो । उहाँले परियोजना सम्पन्न भएपछि पनि संघले नियमित अनुगमन र निर्देशन दिइने बताउनुुभयो ।
उहाँले परियोजनाको बाँकी काम छिटो सम्पन्न गर्न र नयाँ कार्यक्रमहरू अघि बढाउन तदारुकताका साथ काम गर्न पनि आग्रह गर्नुभयो । शंंखमूलको परियोजनाको सरसफाइमा संघका अध्यक्ष भट्ट लगायत संस्थापक अन्य पदाधिकारीहरू र सचिवालयका कर्मचारीहरुको सहभागिता थियो ।
