846 पटक हेरिएको रोल्पा : रोल्पाको सुकिदह गाउँपालिका ३ नं. वडाका सबै घर हरियो रङले रङ्ग्याइने भएको छ । सरसफाइको प्रतिक स्वरुप सुकिदह गाउँपालिकाको करिब ७ सय घरमा हरियो रङ लगाइने वडा सचिव कमलराज वलीले जानकारी दिनुभयो । उहााका अनुसार अहिलेसम्म ५ सय घरमा हरियो रङ लगाईसकेको छ ।
‘गाउँको फरक पहिचान दिलाउनका लागि हामीले यस्तो अभियान नै शुरु गरेका हौं, यसले गाउँ सरसफाइमा नमुना छ भन्ने सन्देश जान्छ भने पर्यटकलाई पनि आकर्षित गर्नेछ भन्ने हाम्रो विश्वास छ’ सुकिदह ३ का वडाअध्यक्ष जलेशकुमार केसीले बताउनुभयो ।
गाउँ पहिले नै खुलादिसामुक्त घोषणा भई अहिले पूर्ण सरसफाइ उन्मुख रहेकाले यो अभियानले पूर्ण सरसफाइमा समेत सहयोग पुग्ने उहाँले बताउनुभयो ।
गाउँका सबै घरमा एउटै रङ लगाउदा निकै सुन्दर देखिएको उहाँले बताउनुभयो । वडापालिकामा एउटै रङ लगाउने विषयमा कतिपयको असहमति रहेपनि अहिले गाउँको आकर्षण बढेपछि सबैले लगाउन थालेका छन् । अब केही दिनमै सबै घरमा हरियो रङ लगाउने काम सम्पन्न हुने वडा सचिव वलीले बताउनुभयो ।
