187 पटक हेरिएको 
काठमाडौं : ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकासमन्त्री कुलमान घिसिङले बाग्मती करिडोरलाई सुन्दर बनाउन ढल व्यवस्थापनमा जोड दिनुभएको छ ।
आज बिहान बाग्मती नदी करिडोर अन्तर्गत गुह्येश्वरी–गोकर्ण खण्डमा पर्ने गोकर्णेश्वर नगरपालिका–५ जम्बुडाँडा क्षेत्रको अनुगमन गरेपछि उहाँले बाग्मती करिडोर क्षेत्रको ढल व्यवस्थापन, सडक स्तरोन्नति र सरसफाइमा जोड दिनुभएको हो ।
मन्त्री घिसिङले नदी सफा भए मात्र शहर सफा हुने भन्दै बाग्मतीलाई सफा बनाउन ढल व्यवस्थापन, करिडोरका सडक मर्मत र नदीमा फालिएको फोहोर प्राथमिकताका साथ हटाइने बताउनुभयो ।
नदीको सबै फोहोर हटाएर त्यसको चेक बाँधलाई सञ्चालन, सो स्थानमा साना तलाउ बनाएर पर्यटकीय क्षेत्रका रूपमा विकास गर्नेगरी काम भइरहेको मन्त्री घिसिङले जानकारी दिनुभएको उहाँको निजी सचिवालयले जनाएको छ ।
मन्त्री घिसिङले गत शनिबार पनि गुह्येश्वरी फोहोरपानी प्रशोधन केन्द्रको अनुगमन गर्नु भई फोहोरपानी प्रशोधन केन्द्रको अनुगमन गरी यसको वर्तमान अवस्था, सञ्चालनका चुनौतीका बिषयमा जानकारी लिनु भएको थियो।
