220 पटक हेरिएको 
ललितपुर : सरसफाइ सप्ताह २०२६ को अवसरमा ललितपुर जिल्लाको छम्पी, टिकाभैरवस्थित श्री बुद्ध माध्यमिक विद्यालयमा सरसफाइ सम्बन्धी सचेतना अभिवृद्धि गर्ने उद्देश्यले चित्रकला प्रतियोगिता सम्पन्न गरिएको छ।
विद्यार्थीहरूमा सरसफाइ, हात धुने बानी, स्वच्छता तथा वातावरण संरक्षणको महत्वबारे जागरण ल्याउने उद्देश्यले आयोजित प्रतियोगितामा विद्यालयका विद्यार्थीहरूले उत्साहजनक सहभागिता जनाएका थिए। सहभागी विद्यार्थीहरूले आफ्नो सिर्जनशीलता प्रस्तुत गर्दै स्वच्छ र स्वस्थ वातावरण निर्माणका सन्देशहरू चित्र मार्फत व्यक्त गरेका थिए।
गोदावरी नगरपालिका, वाटर एड नेपाल र एकीकृत सहरी विकास केन्द्र ( CIUD) ले आयोजना गरेको प्रतियोगिताले विद्यार्थीहरूलाई विद्यालय तथा समुदायमा राम्रो सरसफाइ अभ्यास प्रवर्द्धन गर्न आफ्नो भूमिका बारे सोच्न र अभिव्यक्त हुन अवसर प्रदान गरेको थियो। विद्यार्थीहरूले तयार पारेका चित्रहरूमा सही तरिकाले हात धुने अभ्यास, फोहोर व्यवस्थापन, वातावरणीय सरसफाइ तथा स्वस्थ जीवनका लागि स्वच्छ वातावरणको महत्वलाई विशेष रूपमा उजागर गरेका थिए।
प्रतियोगितामा प्राप्त चित्रहरूको पूर्वनिर्धारित मूल्याङ्कन मापदण्डका आधारमा मूल्याङ्कन गरिएको थियो। विषयवस्तुसँगको सान्दर्भिकता, सिर्जनशीलता तथा प्रस्तुतीकरणका आधारमा उत्कृष्ट चित्रहरूलाई पुरस्कृत तथा सम्मान गरिएको सिआई ले…..ले जनाएको छ।
कार्यक्रमले विद्यार्थीहरूमा सरसफाइप्रति सकारात्मक सोच र व्यवहार विकास गर्न महत्वपूर्ण भूमिका खेलेको छ। सिकाइ र सिर्जनशीलतालाई एकसाथ जोडेर आयोजना गरिएको यस कार्यक्रमले युवा पुस्तामा सरसफाइ र जिम्मेवारीबोधको संस्कृति विकास गर्न सहयोग पुर्याएको छ।
छम्पी वास ९ध्ब्क्ज्० परियोजनाअन्तर्गत स्थानीय सरोकारवाला निकाय तथा विद्यालय व्यवस्थापनको सहकार्यमा आयोजना गरिएको उक्त कार्यक्रमले समुदायस्तरमा सरसफाइसम्बन्धी जनचेतना अभिवृद्धि गर्न थप टेवा पुग्ने अपेक्षा गरिएको छ।
कार्यक्रमको समापनमा विद्यालय परिसरभित्र सरसफाइ तथा स्वच्छता अभ्यासलाई थप प्रभावकारी बनाउन विद्यालयलाई डस्टबिन, डस्टप्यान लगायत विभिन्न सरसफाइ सामग्री हस्तान्तरण गरिएको थियो। यस्ता सामग्रीले विद्यालयको सरसफाइ व्यवस्थापनलाई सुदृढ बनाउन सहयोग पुग्ने विश्वास व्यक्त गरिएको छ।
यस्ता कार्यक्रमहरूले विद्यार्थी तथा समुदायलाई स्वच्छ, स्वस्थ र दिगो वातावरण निर्माणका लागि सामूहिक रूपमा अग्रसर हुन प्रेरित गर्ने CIUD का स्नेह सुवेदीले बताउनुभयो।
