919 पटक हेरिएको कीर्तिपुर : काठमाडौको कीर्तिपुरमा सञ्चालित जनसेवा उच्च माध्यमिक विद्यालयका छात्राहरुको एक समूहले सरसफाइ गीत गाएर ५ हजार पुरस्कार जितेका छन् । विद्यालयले आयोजना गरेको प्रथम सरसफाइ सम्मेलनमा सरसफाइ गीत गाएर अनिता रुम्बा, यशोदा प्रजा र विनिताको टोलीले ५ हजार पुरस्कार जितेका हुन् ।
उनीहरुले पुरस्कार बापत प्राप्त रकम मध्ये १ हजार रुपैयाँ विद्यालयको सरसफाइ कोषमा जम्मा गरेका छन् ।
सरसफाइ सम्मेलनका लागि विद्यालयले सबै विद्यार्थीबाट एकल तथा सामूहिक रुपमा सरसफाइ गीत प्रतियोगिताको आव्हान गरेको थियो । प्रतियोगिताका लागि १५ वटा गीत प्राप्त भएकोमा अडिसन राउण्डबाट ११ समूह बाहिरिएको विद्यालयका शिक्षक देवराज महर्जनले जानकारी दिनुभयो ।
अडिसन राउण्डबाट छानिएका समूह नं. २, ५, ७ र १० मध्ये अन्तिम प्रतियोगिताबाट समूह नं. ५ अर्थात अनिता रुम्बाको टोली छनौट भएको शिक्षक महर्जनले बताउनुभयो । प्रतियोगितामा उत्कृष्ट ठहरिएको यो गीतलाई संगीत तथा लय सिर्जना गरेर विद्यालयले हरेक शुक्रबार गाइने उहाँले बताउनुभयो ।
यस्तो छ, ५ हजार पुरस्कार पाउने सरसफाइ गीत
